150 atvinnulausir

Hvað er að Ístak er að segja upp 150 manns lítil tala en þessi menn eiga fjölskyldur og ekki síast þeir eiga lika að borga skuldir . En atvinnuleysissjóður er að verða tómur . Og hvað er Ríkið að gera akkurrat ekki neitt nema að skera niður og skera niður

„Það er ekkert að fara að breytast"

Athugasemdir

[Offi (IP-tala skráð) 5.7.2009 kl. 21:18]

Svona svona... Steingrímur J. finnur örugglega einhvern nýjan skatt á okkur til að vega upp á móti þessum töpuðu skatttekjum frá vinnandi fólki!

[Finnur Bárðarson, 5.7.2009 kl. 22:19]

Veist þú um einhverja gullkistu sem ekki er búið að opna ?

[Rúnar (IP-tala skráð) 5.7.2009 kl. 22:49]

Þetta er allt í stakkasta lagi, blásum til sóknar af alvöru gegn hvalnum. Opnum fleiri hvalstöðvar, helst einn í hverjum landsfjórðung.

gefið frjálsa veiði heimildir.

þetta skapar miklu vinnu, fleira an 150 störf, ábyggilega mörg þúsund störf !

við höfum búið til kúafóður og annað hérna áður fyrr, þannig að við getum bara tekið bezta kjettið handa okkur mannfólkinu, hitt kjettið handa skepnunum, kattafóður, minkafóður, refafóður, fiskifóður og fuglafóður. Svo er alveg upplagt að bræða spikkið og nota olíuna á bílana.

Setjum hvalin á bílana !

reddum þessu! þurfum ekkert að flytja inn!

Mc Donalds og hina hamborgara stðirnar geta bara farið að steikja hvalborgarum og það má alveg steikja franskana upp úr hvalfeiti.

spörum gjaldeyrin, veiðum hval !

[Þórður Björn Sigurðsson, 5.7.2009 kl. 23:14]

Hvar er hagspá heimilanna til ársins 2013?

Hagsmunasamtök heimilanna lýsa yfir miklum áhyggjum af sífellt versnandi stöðu íslenskra heimila.  Samkvæmt greiningu samtakanna á tölum Seðlabanka Íslands var greiðslubyrði 18% heimila þung og 36% heimila mjög þung.  Er það þrátt fyrir að stór hluti heimila hafi nýtt sér ýmis úrræði, svo sem frystingar og skilmálabreytingar lána, til að lækka a.m.k. tímabundið mánaðarlegar greiðslur fastra lána. 

Nú hefur ríkisstjórnin ákveðið að bæta um betur.  Áætlað er að nýsamþykktar ráðstafanir í ríkisfjármálum, svo kallaður bandormur, þyngi skattbyrði heimilanna eða skerði á annan hátt ráðstöfunartekjur þeirra um að jafnaði 90.000 kr. á mánuði.  Hvernig heimilin eiga að standa undir slíkum álögum ofan á allt annað, er samtökunum hulin ráðgáta. 

Samkvæmt útreikningum stjórnarmanns í Hagsmunasamtökum heimilanna, er byggja á hagtölum frá opinberum aðilum, duga núverandi ráðstöfunartekjur ekki fyrir útgjöldum íslensku vísitölufjölskyld­unnar.  Hún er nú rekin með tveggja milljóna króna halla á ársgrundvelli og því deginum ljósara að meiri álögur stefna enn fleirum í vanda. Einnig sýnir könnun, sem framkvæmd var meðal félagsmanna í samtökunum, að afgerandi meirihluti, eða 61% félagsmanna er ekki að ná endum saman með tekjum sínum, er annað hvort gjaldþrota eða á leið þangað, safnar skuldum eða að ganga á sparifé sitt.  Jafnframt kemur fram að hlutfallslega fleiri, eða 85% þeirra sem eru með gengistryggð lán eru ekki að ná endum saman.  Ætla má að þessi staða endurspegli þokkalega stöðuna í samfélaginu (sjá nánar meðfylgjandi). Einnig kemur fram í könnuninni að 44% félagsmanna telja frekar eða mjög litlar líkur á því að þeir geti staðið við skuldbindingar sínar næstu sex mánuði.

Í ljósi þessara niðurstaðna varðandi stöðu heimilanna krefjast Hagsmunasamtök heimilanna þess að ríkisstjórnin láti útbúa hagspá  heimilanna, sem nái yfir sama tímabil og endurreisn ríkissjóðs, þ.e. frá og með 2009 til 2013.  Slík hagspá er nauðsynleg til að sjá hver fjárhagsstaða heimilanna er og hvernig hún mun þróast á næstu árum.  Samtökin vilja líka sjá til hvaða ráðstafana ríkisstjórnin hyggst grípa til að endurreisa fjárhag heimilanna.  Núverandi skuldastaða þeirra er augljóslega ógnvænleg og bendir ekkert til þess að það batni á komandi árum nema gripið sé til róttækra aðgerða.

Það er til lítils, að mati samtakanna, að rétta við fjárhag ríkissjóðs og fjármálafyrirtækja, ef það er á kostnað heimila, atvinnulífs og sveitarfélaga.  Endurreisn allra þessara grunnstoða samfélagsins verður að haldast í hendur.

Stjórn Hagsmunasamtök heimilanna, Reykjavík 4. júlí  2009

www.heimilin.is

[GunniS, 6.7.2009 kl. 01:51]

150 atvinnulausir. nei fleiri. sjá á www.vinnumalastofnun.is

[Júlíus Björnsson, 6.7.2009 kl. 04:56]

Ísland mun aldrei verða Pardís fræðinga með engan rass sem safna spiki.

Atvinnuleysið á eftir að vaxa en meir, áður en það verður fréttnæmt í EU.

Fræðingur er oft ekkert betri en líkmalegur öryrki til vinnu. Þeir eiga ekki von á góðu, vanir fínum launum. Í kreppu er nauðsynlegu störfin sem lifa lengst. Þá er gott að vera í þjálfun.

[Jón Rúnar Ipsen, 6.7.2009 kl. 07:34]

Gunnis .

Var nú veit vel að það eru um það bil 20.000 þúsunds manna atvinnulausir en setti þetta upp svona vegna þess að það er eittfyrirtæki að segja upp 150 manns og það virðist ekki hringja neinum viðvörunarbjöllum hjá ríkisstjórn.

Ef maður ætlar að fara niður á engjateig til að athuga með störf sem auglýst eru hjá þeim þá er vissara að plana ekki neitt í næstu tvo tímana 

[Jón Rúnar Ipsen, 6.7.2009 kl. 07:40]

Júlíus.

Það er að því virðist engin hér á landi sem starfar innan ríkisstjórnar sem fær þessar tölur inn á borð til sin að minnsta kosti er ekkert gert til að minka atvinnuleysi þrátt fyrir að það hafi verið á stefnuskrá hjá báðum flokkum .

Það er einungis fjölgað á atvinnuleysisskrá og jú það eru manna ráðningar inn á skrifstofur hjá ríkinu